Як адсвяткававаць Дзень Волі 2020:

1

Уздымі сцяг

Галоўныя сімвалы Дня Волі і Беларускай Народнай Рэспублікі — бел-чырвона-белы сцяг і герб «Пагоня».

25-га сакавіка цудоўны дзень, калі варта паўдзельнічаць у святкаванні, а таксама паказаць сваю любоў і павагу да беларускіх нацыянальных сімвалаў праз публічнае выкарыстанне іх.

Што можна зрабіць:

  • вывесіць сцяг на сваім балконе ці ў двары дома
  • размясціць сцяг у акне сваёй кватэры ці пакоя
  • упрыгожыць сцяжком, стужкай ці налепкай з «Пагоняй » сваё аўто

Гэтыя дзеянні абсалютна законныя і кожны беларус мае на іх права.

2

Павіншуй беларусаў

Павіншуй сяброў, родных і знаёмых у сацыяльных сетках, на працы ці ў навучальнай установе з Днём Волі.

Публікуйце віншавальныя фота і відэа ды пазначайце ў вашых публікацыях хэштэг #БНР102.

У гэтым годзе абставіны ў Беларусі і свеце вымусілі ўсіх заяўнікаў масавых мерапрыемстваў да Дня Волі адмовіцца ад сваіх планаў, таму давайце разам ствараць святочную атмасферу ў анлай-фармаце з дапамогай сучасных новых медыя.

3

Арганізуй сваё свята

Арганізоўвайце самастойнае адзначэнне Дня Волі ў сямейных ці сяброўскіх кампаніях.

25 сакавіка запрашаем вас далучыцца да анлайн-свята «Годны Дзень Волі» з дапамогай вашых тэлефонаў, камп'ютараў і тэлевізараў. Трансляцыя пачнецца а 18.00 на старонцы «Годна» — hodna.by і ва ўсіх сацыяльных сетках.

Спадзяемся, што гэтая трансляцыя дадасць вашаму святкаванню адчуванне сувязі з усімі беларусамі, для якіх Дзень Волі — галоўнае нацыянальнае свята, якое трэба годна адзначаць у любых умовах.

4

Запусці салют

Увечары 25 сакавіка, роўна а 21:00 далучайцеся да святочнага феерверку.

Для гэтага дастаткова:

  • набыць феерверк у любой легальнай краме піратэхнікі
  • запусціць яго, згодна з інструкцыяй па бяспецы на пакунку

Гэта абсалютна легальна, апроч таго — весела і відовішчна! Велічэзны салют на ўсю краіну — выходзьце на вуліцу, вы самі пачуеце, як з суседніх двароў, стадыёнаў і офісных парковак вас падтрымліваюць землякі. Будзе файна!

Падтрымайце анлайн-свята «Годны Дзень Волі»

У гэтым годзе Дзень Волі адбудзецца ў фармаце анлайн-свята з удзелам вядомых беларускіх дзеячаў культуры, грамадскіх актывістаў і музычных гуртоў.

Гэта новы і ўнікальны для нас досвед арганізацыі свята ў абсалютна незвычайных умовах. Наша задача з дапамогай сучасных новых медыя аб’яднаць беларусаў у розных кутках Зямлі і праз анлайн-трансляцыю з насычанай праграмай і цікавымі гасцямі стварыць атмасферу агульнай еднасці і салідарнасці, злучыць разам беларусаў, для якіх Дзень Волі — галоўнае нацыянальнае свята, якое трэба годна адзначаць у любых умовах.

Трансляцыя пачнецца а 18.00 на старонцы «Годна» — hodna.by і ва ўсіх сацыяльных сетках.
Спадзяемся, што трансляцыю падхопяць папулярныя беларускія СМІ і блогеры, а беларусы падтрымаюць фінансава яе арганізацыю.